Gávcciolbmo bearaš lea ovcci jagi juo orron duolva gealláris maŋŋil go báhtaredje Syrias Libanonii. Gávccemánnosaš Mohamadis eai leat nu buorit boahtteáiggi vejolašvuođat.
Last ned menighetsbladartikkel 2023 (Nordsamisk).
Mánná lea riegádan
Gávcciolbmo bearaš lea ovcci jagi juo orron duolva gealláris maŋŋil go báhtaredje Syrias Libanonii. Gávccemánnosaš Mohamadis eai leat nu buorit boahtteáiggi vejolašvuođat.
Go mii ollet dan boarásnuvvan vissui, de goargŋut tráhpá, muhto mii bivdojuvvot jorggihit ja mannat vulos. Vuollelii ja vuollelii. Meattá ruskalanja, vuorkká ja dađistaga hákso garra geallerhádja.
Loahpas mii bisánit go ollet nu guhkás vulos go beassat, doppe leat vuorkálanjat, biktasat heŋgejuvvon goikat ja dievvá diŋggat vurkejuvvon maid ii oktage dárbbaš. Eadni gaikkiha gaikodan gárdiinna eret ja sihtá min mannat nuppi latnjii gos leat golbma oađđinsaji. Dás sii orrot buohkat. Eadni, áhčči ja guhtta máná. Dása bisánii sin báhtareapmi Syrias ja sin niehku oažžut ođđa eallima soađi maŋŋil.
Veahkki eadnái ja mánáide
Ovcci jagi lea bearaš boahtán dearvvašvuođaguovddážii maid mii doaimmahit ovttasráđiid earáiguin. Mii válddiimet vára eatnis go son ii suitán máksit gálvvuid gávppis. Dearvvašvuođaguovddáš čuovvola mánáid, ja bidjá boahkuid ja addá dálkasiid.
–Eallin lea garas, dadjá eadni jaskadit. Son ii dáhto namas almmuhit. Sutnje lea stuora heahpadin čájehit iežaset orrundili.
Dearvvašvuođaguovddáš lea dorjon eatni riegádahttimis, muhto maiddái fuolahan ahte sis lea ruhta borramuššii, biktasiidda, lihpariidda ja basadanávdnasiidda.
– Mii eat livčče oba birgenge dán haga, dadjá eadni.
Dát guđamána bearaš lea dušše okta máŋgga bearrašis geat rahčet Libanonas dál. Borramušhattit leat lassánan máŋggageardásaččat, almmolas bálvalusfálaldat lea bieđganan, olbmot leat manahan sestojuvvon ruđaid ja geafivuohta lassána johtilit. Sohkabealvuđot veahkaválddálašvuohta lea 300 proseanttain lassánan, ja čáhci lea áibbas vánis. Ukrainasoahti lea garrasit čuohcan dán riikkii. Libanonas leat bensinhattit viđageardásaččat lassánan, borramušolju lea njealjegeardásaččat lassánan ja láibe- ja sohkarhaddi lea njealjegeardásaččat lassánan das rájes go Ukrainas buollái soahti.
Girku heahteveahkki lea badjel 20 jagi doaimmahan dearvvašvuođaguovddáža dáppe, ja Fady Iskandar, guhte lea báhppa ja ovttasbargi, muitala ahte olbmuid dilli lea vearáskan maŋemus jagiid.
– Dát ii dušše álgu, váttisvuođat leat aivve lassánan. Veahkaválddálašvuohta lassána, geafivuohta lassána ja ollugat rahčet váttis dilis, muitala son.
Girku lea dakka nuppe bealde geainnu dearvvašvuođastašuvnna lahka ja lea syralaš-ortodoksa. St. Jacob lea dovddus das ahte váldá vuostá Syria ja Iraka unnitloguolbmuid, ja gefiid mat bohtet Libanonas.
– Dađibahábut váttisvuođát dušše lassánit boahtteáiggis.
Ii goassege ovdal leat girkui ja dearvvašvuođáguovddážii leamaš deháleabbo bargat ovttas go dál. Girku oaidná geain lea erenoamaš váttis dilli ja sádde sin dearvvašvuođaguovddážii, vai sii geain heahti lea stuoris, ožžot veahki.
Fargga leat juovlabasit ja mii muittašit Jesusmánáža gii riegádii máilbmái gos ledje riiddut, geafivuohta ja heahti. Muhto vaikko máilmmis lei moivedilli, de son lei dorvvolaš go iežas olbmot ledje su luhtte. Mohamada birrasis leat maid su iežas olbmot, vaikko son lea riegádan dan seammá máilbmái go Jesus. Máilbmái gos leat riiddut, geafivuohta ja heahti.
Min doaibma lea veahkehit mánáid, nugo Mohamada, ja eará bearrašiid. Duinna searválaga lea mis vejolaš veahkehit ain eanet mánáid ja sin etniid, veahkehit riegádahttimis, háhkat boahkuid ja ruđa borramuša, lihpariid ja basadanávdnasiid oastimii.
NÁ ATTÁT DÁN JAGÁŠ JUOVLASKEAŊKKA:
Vippse ruđa olu hálidat nummarii 2426.
-Sádde GAVE sms bokte nummarii 2426 ja atte 300 kruvnno.
Skeaŋkakonto: 1594.22.87248