Katerina lea Odessas eret ja báhtarii ilgadis soađis vaikko leage máná vuostái. Son dadjá: áidna maid rohkadalan lea ahte beasan riegádahttit dorvvolaš dilis.
Menighetsbladartikkel Nordsamisk
Son muitá bures dan beaivvi go soahti álggi. Lei juo maŋŋit, ja son lei velledan idjaládje. Fáhkkestaga gullái go olgun beaškigođii, ja nu ravge nahkárat.
– Mun in diehtán mii dáhpáhuvvá ja mii eat ipmirdan ahte lea soahti álgán ovdal nuppi iđida, muitala Katerina go deaivvadit suinna báhtareddjiid guovddážis gávpogis Lasis Romanias.
Moadde beaivvi maŋŋel de son ja su lagamusat dahke lossa mearrádusa ahte guođđit Ukraina vuoi besset sihkarvuhtii. Ovdal go báhtaredje de ledje máŋgga geardde šaddan čiehkádit bombalanjaide go skájanat alge jupmat. Nu fertii Katerina dahkat vuoi suddje mánáža goaŧus.
– Mun ožžon panihka, ja dáhtton dušše mánáža maid vuorddán oažžut sihkarvuhtii. In heaitán ballamis ovdal go rastiimet ráji, muitala Katerina.
Báhtareapmi doalvvui su dán guovddážii Lasis. Dáppe lea dorvvus, oažžu borramuša ja ovddasmorraša. Katerinai lea buorre diehtit ahte oažžu dan veahki maid dárbbaša riegádahttit dorvvolaš dilis, iige dárbbaš šat ballat soađi bombbain ja granáhtain nu go ruovtturiikkas. Girku heahteveahkki veahkeha dán guovddáža Lasis earret eará borramušain, seaŋggaiguin ja olmmošgávppašeami eastadandoaimmaiguin.
Katerina báhtarii soađis oktan etniin, goskkiin ja bussáin. Boahtti mánáža áhčči šattai báhcit ruovtturiikii. Dál áhččeolmmoš áimmahuššá ahte Ukraina soalddáhiidda buktojuvvojit borramušat. Muhto son sáhttá maid šaddat soahtái jus dat gáibiduvvo.
Eanemustá lea Katerina giitevaš go lea dorvvolaš dilis dán guovddážis Romanias, ja ahte son sáhttá riegádahttit oadjebas dilis.
– Mun háliidivččen máhccat ruoktot fas, muhto in dieđe goas dan sáhtaš dahkat. Mu ruovttugávpot lea mollejuvvon, ja dan fertešii hukset fas. Munnje lea deháleamos ahte mu mánnái šaddá oadjebas dilli, dadjá Katerina.
Fargga mii basuhit juovllaid giitevašvuođain ja iluin go Jesus riegádii. Nuorra Mariai lei máná oažžun árvvus ge garra vásáhus. Stáljas, amas gávpogis, guhkkin eret fulkkiin. Ja lei go sus veahkki riegádettiin?
Jesus cevzzii riegádeami ja ahte bearaš fargga šattai báhtarit. Dat árvvoštallo ahte njuoratmánáid jápmu lei allat. Jesus cevzzii njuoratmánááiggi vaikko leige riegádan ráfehis máilbmái.
2000 jagi maŋŋil de diehtit ahte njuoratmánát vuollel 28 beaivvi leat measta bealli buot mánáin vuollel 5 jagi geat jápmet (2019 logut). Ollugat riegádit sođiid, riidduid, nealggi, čáhcevátnivuođa ja geafivuođa siste.
Min doaibma lea gádjut heakka ja gáibidit vuoigatvuođa dáidda olbmuide. Mii sáhttit oassálastit addimis njuoratmánáide oadjebas boahtteáiggi. Ovttas duinna ja singuin mii sáhttit hukset riegádahttinossodagaid ja áimmahuššat ahte borramuš, buhtes čáhci, vaksiinnat ja oahppu leat olámuttos. Nu ahte eambbogat devdet 5 jagi.
Vipps bokte ruhtasupmi man ieš mearridat nummarii 2426.
-Sádde sms bokte GAVE nummarii 2426 ja atte 250 ruvnno.
Skeaŋkakonto: 1594.22.87248
Atte boahtteáiggi skeaŋkan!
Bilde 1 Govven Håvard Bjelland / Kirkens Nødhjelp.
Bilde 2 Govven Håvard Bjelland / Kirkens Nødhjelp.